外籍騎師好多時同場有多駒可以揀騎上陣，將心比己，佢哋當然會揀機會較好嘅馬出賽。剛周日賽事韋達贏「華麗登場」、莫雷拉贏「軍事出擊」同埋潘頓贏「友瑩格」，共通點都係三人在該場操過其他馬匹唔吼，最後揀了勝出的頭馬，由此可見，經洋將專業眼光判斷下揀選上陣之馬匹，往往反映了該駒的爭勝機會。
本周三亦有三外籍騎師間接幫馬迷揀馬，頭場巫斯義曾過檔「喜遇知己」，不過排位後卻替未操過之「大衛金剛」執韁，前駒乃三零部隊，後駒則是今季四班頭馬，孰優孰劣顯而易見，巫斯義大可憑「大衛金剛」停賽復出即勝。
此外，韋達剛戰勁取三冠五亞，今次第三場唔吼新勝之「上浦猛將」，亦放棄操過之「好老友」，揀了「滿貫豐采」，後駒上仗全程外叠望空都差點贏，換韋達有力補中。
至於田泰安在第六場操過兩匹最輕磅馬「好旺財」及「繽繽紛紛」，最後選擇「好旺財」，上仗連衝兩段全場最快締速追入第四，走勢復蘇，田泰安唔放手捧得過。