今早（14日），練馬師沈集成真係超活躍，基本上好多時候都見佢喺機坪走嚟走去，似乎充滿戰意，想喺周日（17日）連番數糊。

除咗佢之外，仲有一位練馬師喺今早都充滿動靜，佢就係狂喺五班賽擸Win嘅新人王羅富全，更一早喺烽火台用望遠鏡，睇到實旗下出戰馬嘅操練情況。

話得佢專贏五班賽，咁啱佢就安排出戰第三場五班1200米泥地嘅「七彩」，由助手胯下戴頭罩快跳一課。

呢課入面見到馬身喼得壯，走過步伐挺勁，心火湧現，拼後操養得宜，而且健康狀態好穩定，加上「七彩」轉倉後三戰，未曾失過獎金，今次第三次配田泰安下，肯定要吼實！