【荷李活版《和平飯店》？】茱迪科士打專救罪犯 為謝夫高拔林以身犯險

蘋果日報 2018/06/16 07:00

絕命酒店戴夫巴蒂斯塔茱迪科士打和平飯店謝夫高拔林
    由金像影后茱迪科士打（Jodie Foster）主演嘅新作《絕命酒店》（Hotel Artemis）即將於下星期上映，影后飾演專救罪犯嘅「護士」，劇情睇落相當似荷李活版《和平飯店》，當然看似不問世事嘅「和平酒店」亦因跨國黑幫大佬謝夫高拔林（Jeff Goldblum）而發生巨變。
    戲中茱迪科士打於嚴格規定只招待「尊貴會員」嘅阿提密斯酒店中「打工」，實際係為罪犯提供起死回生急救服務及高科技醫療，當然出入嘅都絕非善男信女，連同好幫手戴夫巴蒂斯塔（Dave Bautista）助陣，大家一直都相安無事。但有一日跨國黑幫大佬謝夫高拔林殺到，對其他罪犯造成威脅，令茱迪科士打左右做人難，十足十《和平飯店》嘅周潤發一樣，要極力阻止血腥風暴發生。電影更搵嚟韓國大導朴贊郁御用攝影師丁正勳擔任攝影指導，美感十足。
    精選娛聞，喺晒《娛果》
    http://fb.com/appledailyent
    empty
    茱迪科士打同好幫手戴夫巴蒂斯塔專救罪犯 。
    empty
    出入嘅都絕非善男信女。
    empty
    有一日跨國黑幫大佬謝夫高拔林殺到，對其他罪犯造成威脅。
    empty
    令茱迪科士打左右做人難，十足十《和平飯店》嘅周潤發一樣。