方才提到，黃子華昨晚在棟篤笑《唔黐線‧唔正常》尾場，在最後5分鐘發表了「佔中感言」，他說，最初他也曾想過，佔領行動，會否令今次棟篤笑胎死腹中呢？他說，在佔領開始，「然後我每晚都預咗聽晚冇得做，呢個唔係一件好得意嘅事，因為每晚都有啲事發生，每晚都可以件事發生大到係我冇得做。」

子華在這值得永誌紀錄下來的五分鐘(也是十場以來第一次有「encore」位)，詳細內容如下：

「由第一晚，今晚你哋係代表前嗰十晚，多謝晒各位，ThankYou，ThankYou(子華向觀眾鞠躬及揮手，全場報以熱烈掌聲)。前十晚我一做完就走0架喇，今晚講多幾句我先走好唔好？但我唔係講笑喎各位，因為呢次真係有啲感觸。

「因為呢次呢，其實我，由90年開始做棟篤笑，跟住我係試過97過渡時我係做棟篤笑(《1997秋前算帳》，全場再報以熱烈掌聲)，然後金融風暴喇，然後到03沙士，次次都有我份。即係，撞正啲大鑊嘢，次次我都有份做。沙士嗰次，全場係得一個人冇戴口罩，都照做，嗰個人就係我。幾等錢使呀。

「聽唔到笑聲(做手勢掩口，以示戴了口罩)，佢哋有佢哋(模擬戴了口罩發出的笑聲)，我就有我自己講咁樣。沙士。跟住又有金融風暴，跟住又試過做做下打風落雨，冇得做。但係，嚟到呢一次，佔中，又有我份。(全場大笑並拍掌)

「我好坦白同大家講，由佔中第一晚我睇住電視，佔中，係，我即刻諗就，我應該做唔成喇呢次。因為好難講，如果呢件事爆發得好大嘅時候。然後我可以同大家講，我每晚都預咗聽晚係冇得做，呢個唔係好得意嘅事，因為每晚都有啲事發生，可以係，每晚都可以係，件事發生大到，係令我唔可以做。

「我可以好簡單講一個原因，咁我就做唔到0架喇各位，我成日講，雞蛋，高牆，我哋當然係企喺雞蛋嗰邊。但係，如果有一晚，一隻雞蛋碎咗，我就冇得做。我相信大家亦都冇興趣聽，我亦冇心情做。」