【彈琴畫畫瓣瓣掂】唱片封套由潘源良新婚妻設計 羅敏莊大讚:好斯文好乖
羅敏莊潘源良結婚
58歲香港著名填詞人潘源良,本月22日喺加拿大多倫多同年輕17歲嘅加拿大女友Rita Ip結婚。Rita喺多倫多長大,係跨媒體藝術工作者,大學畢業後到香港工作,曾經以筆名「古惑貓」涉足設計、插畫及音樂界,曾經同過謝安琪、羅敏莊、趙學而等歌手合作。
《蘋果》今日聯絡羅敏莊,原來佢2010年重新灌錄《挑戰者》等歌曲嘅精選大碟《Very Meaningful》,就係由「古惑貓」Rita Ip設計封面。羅敏莊話:「我認識Rita 大慨10年前,我哋曾經夾過band,佢負責彈鋼琴,我知佢畫畫好靚,所以有隻碟出,就搵咗佢幫我設計封面,由於我哋都好鍾意貓,所以就喺封面畫咗啲貓落去。印象中Rita好斯文、好乖、好靜,《挑戰者》呢首歌係潘Sir(潘源良)幫我填詞,其實我同佢哋唔熟,但聽到佢哋結婚,都戥佢哋開心,恭喜佢哋。」
精選娛聞,喺晒《娛果》
http://fb.com/appledailyent
羅敏莊2010年出嘅《Very Meaningful》唱片就係由潘太設計封套。