新特蘭篤定下季降至英冠，以英冠嘅門票、轉播費收入等同英超差天共地，真係好難再養咁多頂級球員，樹倒猢猻散真係意料中事，其中意大利前鋒波連尼，有望跟番前利物浦領隊羅渣士，新一季轉戰蘇超。

羅渣士今季帶些路迪就真係帶到曉飛，晨早落實蘇超封王，仲爭蘇足盃決賽對鴨巴甸，就有機會成為國內三冠王添。羅渣士成績咁好，些路迪都準備好放水俾佢買人，希望出年歐聯都有番啲成績，羅渣士份人亦都相當念舊，之前就傳過佢想搵利物浦嘅巴西中場盧卡斯加盟，宜家就想簽波連尼，好似籌組利物浦舊生隊咁款。