回歸10年當然要大事慶祝，於是有回歸盃足球賽；恰巧是由香港股神基金贊助，有德國、巴西著名球隊來獻技，出名球星也不少，當然掀起撲飛熱；計一計，真係好着數，贊助商送上的支票明碼實價4,000萬大元，大球場則可以容納40,000人，除開條數，每個觀眾不就等於獲贊助成千蚊？
只花60元，就可以獲得16倍過外的觀賞價值，比甚麼超額認購千百倍的股票「賺」得更多！焉會不招來炒賣呢？足總又一直堅持優良傳統，只在大球場票房賣飛，迫出個排長龍勢頭，那自然火上加油；但幾想睇波都好，黃牛飛當然試不得，倒不如叠埋心水，去股神旗下的商場玩遊戲，博吓好彩贏門票仲好啦！