嘉華國際（173）主席兼董事總經理呂志和於股東會後見傳媒表示，中美已正式開打，預期兩國爭拗要再觀察一至兩個月，對於買家入市買樓，他多次重申大家要保守一些，持觀望態度「睇定啲先」。

呂志和指，中美初期仍有磋商，但近期傳出中國擬限制對美國出口稀土，中美似乎正式開打貿易戰，而兩國的開火程度，他則認為要再觀察一至兩個月。

被問及下半年樓樓市的看法，呂表示，中美貿戰形勢緊張，加上近期樓市交投淡靜，建議市民要繼續觀望貿戰對樓市的影響，入市要「保守啲、睇定啲」。對於公司會否因一手樓空置稅減價推盤，他稱，公司會「睇定啲先，睇下人哋（中美）講乜嘢，好過自己郁手」。

提到會否考慮退休，年近90歲的呂志和似乎尚未有退休打算。他笑言，「我企得係到…將來唔企得係到會話比你聽」。

翻查剪報及年報，嘉華去年6月開售大埔白石角嘉熙，開售不足3個月已售出約95%；公司去年待入賬達243億，預計於未來兩年入賬，主要來自白石角嘉熙、啟德嘉匯和朗屏8號等樓盤。

《逃犯條例》修訂方面，呂表示，倘沒犯罪就不用擔心，有小股東隨即大喊「講得好！」。

記者 楊佩玲

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX