麥當勞今次真係送你「GoodMorning」!麥當勞將於下周一,即係3月18日搞個「全港早餐日」,於全港大派23萬個煙肉蛋漢堡,以每個原價15元計,香港麥當勞今次要花345萬元。麥當勞將於3月18日早上6至11時早餐時段,於全港230間分店,每間免費大派1,000個煙肉蛋漢堡,每人限取一個,先到先得。
其實唔止香港,麥當勞於當日,會在亞洲、中東及非洲超過30個國家、5,000家餐廳首冷發起全球最大型的「國際早餐日」活動,料當日將合計送出500萬個包。
麥當勞上周五(8日)公佈,2月份同店銷售跌1.5%,稍勝市場預期之1.6%。至於亞洲、中東及非洲地區,該月同店銷售亦跌1.6%,勝預期之跌1.7%。麥當勞業績麻麻地,唔怪得要派包留住人心啦!