徐濠縈（阿徐）、馬詩慧及馬詩慧早前為化妝品牌Lancome拍攝「The Unique Beautiful Moment」短片，昨日於尖沙嘴舉行展覽揭幕活動，朱慧敏、傅嘉莉也現身撐場。阿徐新年期間到東京參加馬拉松四十二公里賽事，雖然打破個人紀錄，不過臨衝線時，不小心被地毯絆倒撞損膝蓋見紅，阿徐興奮自爆老公陳奕迅（Eason）帶囡囡中途現身打氣，她說：「最驚喜係跑到三十幾公里，Eason同囡囡突然喺旁邊叫我「咪咪」（媽咪），同我打氣，佢哋第一次咁樣，嚇死我。」阿徐坦言衝刺一刻感動到不停流淚，對上一次哭已是女兒出世時，她稱之後在東京大吃大喝慶祝，她說：「我哋又去咗浸溫泉，難得一家去到冇乜中國人地方，出街唔使簽名影相，好安心同relax，不過我哋浸天然戶外溫泉係冇着衫，有時行出去都好驚有人影相，我都豁出去㗎喇，對面係雪山，咁都爬到上雪山，抵你影。」

傅嘉莉聞肥叔叔尷尬

同場的傅嘉莉提到早前被拍得與肥叔叔在街上咀嘴相，事後她堅稱是角度問題，最近吳浩康被指背女友偷食，當眾咀女，他同樣以角度問題作為藉口，似向傅嘉莉偷師，她即尷尬說：「嗰件事講過唔會再提，至於另一個新聞冇留意，唔可以作評論。」她自稱今年犯太歲，姻緣運欠佳，惟有寄情工作。此外，朱慧敏透露預計明年和Eddie舉行婚禮，她說：「Eddie想早啲結婚，亦好想生BB，但我想兩、三年後先，唔怕做高齡產婦。」
採訪：溫敏芝
攝影：仇志德