由金像提名男星積嘉倫賀（JakeGyllenhaal）主演嘅拳擊片《再戰擊情》（Southpaw）下月中於香港上映，佢上齣奧斯卡影帝提名電影《頭條殺機》（Nightcrawler）激瘦扮狗仔隊已經十分利害，今次就操到爆晒肌扮拳手，原來拍攝前佢訓練咗足足半年，每日於著名健身教練TerryClaybon監察下進行長跑及操練6個鐘頭體能訓練，包括跳繩、打沙包、拳擊技巧和步法同衝刺、引體上升、仰臥起坐等體適能練習，每日更做二千次仰臥起坐！

積嘉倫賀今次要演輕重量級拳手，並減到得番175磅，佢就話：「六個月來拳擊特訓計劃，除咗體能同技術訓練外，就係一個好有規律拳手生活體驗。」早排已獲得18連勝嘅香港拳擊手曹星如已經睇咗電影優先場，佢就力指電影某啲場面好真實，而戲中令佢最難忘，就係主角比完賽翌日起床時，打拳情景依然歷歷在目，令佢身同感受！