現年32歲嘅韓國女星朴敏英憑熱播劇《金秘書為何那樣》而人氣急升，粉絲都好期待佢嘅新作，而今日就有報道指佢有望拍攝tvN新劇《她的私生活》，喺劇中演追星宅女迷妹。

《她的私生活》改編自人氣網絡小說《姐姐粉.com》，女主角成德美(音譯)20多年來一直沉迷追星，係男團god成員尹啟相嘅死忠粉絲，不過在外佢就隱藏自己迷妹嘅本性，係精明能幹嘅美術館首席策劃人，但隨住美術館新館長上任，女主角將面對粉絲身份被識穿嘅危機。

而朴敏英方面表示：「收到該劇演出提案，目前正商議中。」同時網民亦熱烈討論邊個適合演男主角。

精選韓流，喺晒《娛果》
http://fb.com/appledailyent