杜汶澤替奇妙電視主持嘅飲食節目《杜汶澤食住上》，最新一集邀請到是余安安同蔣怡任嘉賓，阿澤首先讚余安安係超級美女，不過安安姐就慨歎其實美女都有包袱，令到好多角色都唔會搵佢演。

近年余安安喺舞台劇界大放異彩，更奪得劇后獎，佢話自己起初對舞台劇一竅不通，但抱強烈興趣，於是專程到新加坡進修有關課程。適逢阿澤亦係同期進修，佢覺得安安上完堂之後脫胎換骨，安安都承認：「上堂係有啟發！」

到阿澤見另一位美女蔣怡時，即刻話蔣怡老公翁狄森前世一定係救咗好多人，今世先可以娶到蔣怡咁嘅大美人做老婆，氹到蔣怡笑逐顏開。