當年，Beyond出咗隻碟，叫做《再見理想》。全碟黑白設計，封面是一個男孩子，封底是四子童年照。眨眼間，原來其餘三子都已成家立室，已為人父母。不過，自從三子傳不和後，一直鮮有機會聚頭，就連好兄弟人生大事，結婚生子，都唔齊人。

今年係家駒離世20周年，三子都會用自己方式懷念戰友，似係各有各搞，難再重聚，不過又未必。今晚《勁歌金曲》錄影，黃家強、葉世榮都喺度。難得同場，飛釘家強仲同世榮影咗張難得的合照，由家強助手擺咗上微博，更寫道：「世榮結婚我冇送禮，家強生仔我都冇送啦！不過，兩個話：仔女大個之後，決定試下對親家。」兩個話，咪就係家強同世榮話囉。

家強生咗仔，世榮就生咗女，如果真係有對親家嘅一天，加埋阿Paul個女叉燒包齊齊夾band，高唱《再見理想》，你話幾好呢。