【韓流】Tiffany台騷誘人抬腿險走光 單飛獲允兒短訊打氣
Tiffany少女時代
韓國女團少女時代(少時)Tiffany前日飛咗去台灣,噚日喺舉行粉絲見面會前就先喺下午見傳媒,Tiffany唔知係唔係着錯裙關係,搞到變成水桶腰,仲好似有啲凸腩。
而到噚晚Tiffany就喺台北國際會議中心舉行個人見面會,佢好益台迷着上白色小背心搭配長襯衫出場,演唱《I Just Wanna Dance》時小露肩,聽到主持人阿娟讚性感時,即作狀除外套及抬腿,不過佢條短褲仔真係僅僅遮到臀部,所以抬腿時真係有走光之嫌,即時令台下2500名粉絲叫不停。
Tiffany全晚都用英文同粉絲傾談,提到上次跟少時來台灣已數係前年嘅事,佢話:「我的記憶還可以吧!」又自爆去年慶祝少時成軍10周年後就返回家鄉加州當學生,佢自言每日早上6點就起身準備返學,晚上12點就瞓覺,生活過得好充實,被阿娟封為「Super Woman」,Tiffany即笑話:「我喜歡。」
Tiffany話自己喜歡學習,隊友亦有畀佢最深嘅祝福,令佢有勇氣回到加州,但有時都會遇到困難,佢自爆曾經傳過短訊畀成員允兒,大歎:「天啊!這一切好難」,允兒就覆佢:「妳一定做得到。」提到新歌《Teach You》MV搵來秀英及孝淵幫手,佢話:「當時在群組說26、27號誰有時間可以幫我?」成員即義不容辭支持,Tiffany引唔住大喊:「GG(少女時代縮寫)forever」。
而Tiffany亦透露點樣護理聲線:「不能攝取咖啡因、酒精、太辣、雪糕也不行。」不過佢直認有時都會飲,好似早上就飲咗少少,但強調只飲黑咖啡。首度單飛來台嘅Tiffany直言都想私下遊覽台灣,希望明年春天可以帶全新創作專輯來台宣傳,承諾之後嘅個人巡演一定來台灣。
更多韓流,喺晒《娛果》
http://fb.com/appledailyent