武打明星劉家輝是劉家良誼弟，兩人曾經合作無間，後來劉家良曾接受訪問指劉家輝忘本，前年劉家輝中風後入住護老院休養，今日陳百祥於仁安醫院記招上，就表明以劉家輝嘅身體情況，不想讓他知道劉師傅死訊，惟最後劉家輝亦知道了。

劉家輝發言人樊奕敏今日接受本報電話，她表示因為要向劉家輝交代官司詮進展: 「我同佢講，今日有兩件事通知你，第一件係法院已經將你啲錢攞返嚟啦，佢聽到後就點點頭。之後我話第二件事你要放鬆心情去聽，見佢呆一呆。當我話畀佢聽劉師傅今日走咗啦，佢即刻眼泛淚光，閉目，擰轉個身。」

當時樊奕敏見劉家輝如此傷心，立刻加以安慰說： 「Gordon（劉家輝）唔好諗其他嘢，搞到自己唔開心啦！」 樊奕敏指早前有朋友來探望劉家輝時，有提到劉家良的狀況，所以應該有心理準備，其朋友說劉家良患病都沒放棄治療，勸他也不應放棄，他聽了後點頭，聞之令人鼻酸。