講起李彩華（Rain），除咗「小背心」，其實仲有寫真。

係，你冇睇錯我冇寫錯，Rain本寫真，係今年嘅話題作之一。

事關入行時明明走清純路線嘅Rain，喺17年後，亦即係佢33歲之時，推出入行以來首本寫真集，黑絲黑底、開胸露背全部出齊，最勁嘅係，多年嚟keep fit有道嘅Rain，仲可以走少女風（新聞連結： http://bit.ly/2hIGp6w ）。你話，邊有得輸？

不過，出寫真真係唔係2字頭（甚至1字頭）嘅專利，好似今年另一本話題作《See la Cilla》，主角係31歲嘅樂瞳，今年佢告別大台，又想為自己嘅「淑女時光」留個紀念，所以決定出本寫真，還自己一個心願。書中樂瞳大玩濕身誘惑，更拉隊去檳城取景，水着嗰啲又冇少到，真係誠意十足。（新聞連結： http://bit.ly/2xjOyrk ）

至於早前剛升任媽咪嘅「宅男女神」孫慧雪，就喺舊年推出處女寫真《ONCE》，嚟紀念佢自己入行10周年。雪雪拍攝時都33、34歲，但係仲好有睇頭，尤其係佢谷爆33C咪咪任睇唔嬲，仲有作狀解鈕照片連環圖，諗吓都開心！（新聞連結： http://bit.ly/2hHJy6q ）

講到熟女出寫真，必提前年以半百之齡、首次推出寫真《TIMELESS》，力戰一眾o靚模嘅「美魔女」羅霖！亞姐冠軍出身嘅佢，自嘲係「超齡女模」，更坦言此舉係佢入行以來最激一次！（新聞連結： http://bit.ly/2kQcwFZ ）咪以為佢本寫真只係香港成為話題，英國《每日郵報》網上版當年報道有關羅霖出寫真時，以大字標題讚她「你絕對不會相信這位三子之母是50歲！超美模特兒出寫真後生幾十年，展示零皺紋皮膚及Fit爆body。」（新聞連結： http://bit.ly/2glysY1 ）

所以呢…邊個話寫真要後生影嘅先叫靚？