當年今日
關於我們

【大鐘獎紅地毯】露肩允兒撼密實孫藝珍 宋康昊信心十足爭影帝

蘋果日報 2017/10/25 18:00

趙寅成允兒孫藝珍宋康昊第54屆大鐘獎頒獎禮

韓國影壇盛事「第54屆大鐘獎頒獎禮」今日舉行,今年大鐘獎比較去年明顯星光熠熠。
韓國時間下午5時30分左右,一眾韓星率先現身紅地毯,唔少女星當然要趁機鬥靚鬥性感,當中42歲女星金慧進穿上透視連身裙谷胸現身,性感搶鏡。而金智宇今晚穿上低胸吊帶裙現身時,就差啲因跌膊而走光,幸好佢及時用手遮心口。
至於女團少女時代成員允兒,今晚就穿上露肩晚裝配短髮現身,展現優雅氣質,允兒更不時向粉絲揮手,大派甜美笑容。而去年嘅影后孫藝珍,今日就穿上白色晚裝包到冚出場,立即被其他女星比下去。
另外,宋康昊、趙寅成、薛景求、朴敘俊、男團SHINee嘅珉豪、A Pink嘅孫娜恩、《Running Man》成員全昭旻、申賢俊、金莎朗、Stephanie Lee等韓星亦有出席。被視為大熱嘅宋康昊現身紅地毯時明顯信心滿滿。
日前韓媒就報道五位入圍爭影帝嘅演員中,包括《逆權司機》宋康昊、《逆權車伕》(前譯:朴烈)李帝勳、《The King》趙寅成、《不汗黨:壞傢伙們的世界》薛景求及《監獄》韓石圭,當中只有趙寅成同落實出席,已今日宋康昊亦都落實出席頒獎禮,睇嚟宋康昊攞影帝嘅機會相當高。