杜琪峯、陳法拉同施南生噚晚喺浸會大學出席「全球大學電影獎」，頒發多個獎項，不過杜sir頒獎後未有接受訪問便離開。

因為穿上全黑套裝配6吋高踭鞋，法拉喺現場「高人一等」，今年5月完成戲劇碩士課程嘅法拉話好享受讀書時做學生能夠盡情發揮創意，係好難得嘅事，喺有限資源下拍戲係一項必修功課。之後法拉又主動提到消防吉祥物「任何仁」好有創意，佢話：「嗰套blue suit都唔使好多錢，最緊要idea好，任何人都可以做導演，其實冇所謂，搞笑又得，最緊要係令人記得。」

法拉過幾日就返美國，佢話12月頭先再返香港，聖誕節都未有計劃，但佢就話一定會同男友約會，唔使送禮物，食餐飯已經好開心，問佢係咪親自下廚？法拉笑話：「過節出街食得啦。」

精選娛聞，喺晒《娛果》
http://fb.com/appledailyent