韓國「國民初戀」秀智自從同長腿Oppa李敏鎬公開咗戀情愛，佢嘅聲勢似乎就被唔少女星搶咗風頭，當中好似同門新女團TWICE嘅台灣成員周子瑜咁，只得16歲嘅子瑜不時都話有望狙擊秀智嘅地位，始終子瑜年紀輕輕，具有新鮮感，加上秀智已經有公開戀情，對事業一定會有所影響。

不過秀智同子瑜都有一個共通點，就係佢哋都愛自拍兼上載照同粉絲分享，好似日前子瑜就同《星戰》嘅尤達大師公仔合照，佢仲做埋一個好可愛嘅動作，真係冧死粉絲，之後又有佢同隊友攬攬嘅照片，大晒友情。子瑜仲留言話：「我係子瑜，大家會死守放送吧？」事關子瑜有份參演嘅《TWICE優雅的私生活》真人騷將於今晚首播，子瑜自然出盡力去做宣傳啦。

至於秀智BB近日都好勤力，不時上載新照到Ig，佢前日就喺Ig上載咗近照，當中佢仲好香艷咁着住裕袍玩自拍，加上佢濃妝艷抹，散發出濃烈嘅性感女人魅力。