球壇巨星朗拿度前晚去咗馬會出席「皇馬基金會」活動。林敏驄就喺facebook放咗佢同朗拿朗撘晒博頭影相嘅相同短片，原本坐喺度嘅朗拿度，仲曾想企起身同阿驄合照，但阿驄叫佢坐番底就可以。

一向係足球發燒友嘅阿驄，有機會同呢位球壇巨星合照當然開心，接受《蘋果》訪問時笑住話：「朗拿度嚟咗幾日都好攰，食飯都悶悶不樂，但見到我就好興奮，好似兩兄弟久別重逢咁，真係好得意。」

之後又話：「我問佢點解見到我咁開心 原來佢睇過我踢波片，有森巴足球嘅影子，所以叫我開完咗演唱會，去教吓嗰邊啲小朋友，森巴足球嘅奧祕！」