城市大學犯罪學課程主任黃成榮博士認為，回流移民一家三口同犯案，有理由相信父母的人生價值觀已出問題，以致女兒亦受影響，加上在港事業發展失利，覺得不公平，便會產生報復心理，遇到犯罪集團引誘，便做出不當行為。
犯罪學家黎定基則指出：「賊家庭一家三口出動偷嘢，通常會分工行事，有啲會做掩護，有啲就落手偷。衣着光鮮都係掩飾罪行嘅一種方法，佢哋會覺得店員對爛身爛世嘅客特別注意，所以着得好啲，就冇咁被懷疑。」
黎又稱，在賊家庭長大的子女，容易受父母影響，成為偷竊罪犯，「仔女受到家庭嘅價值觀影響，認為呢啲行為又唔係傷天害理，冇咗道德標準嘅壓力，會合理化去解釋自己犯罪嘅行為。」若父母自幼向子女灌輸偷竊是平常事，子女就會信以為真。