從練第二季六爺羅富全今季贏出打吡、香港短途錦標、香港盃等大賽，現時更已取得62場頭馬，大有機會打破自己上季65Win的紀錄。

剛周四（27日）六爺與兒子阿濼，一同接受網台《競馬知舍》的訪問，提及不少其從練有關的趣事，包括他與波士蔡約翰當初相識的過程。

2013年六爺當時仍然是大摩的副練，他第二次申請練馬師牌照失敗，當年容天鵬以及蘇偉賢獲升為練馬師，他當時立刻致電容天鵬。

「鵬哥，既然你升咗做練馬師，介唔介意介紹你老闆（蔡約翰）畀我識？我想試吓轉馬房，學吓其他練馬師的手法。」

「鵬哥話好，當日五點我就去到蔡約翰嗰度，傾咗半個鐘頭左右，揸一揸手，佢就話『OK，出年你嚟幫我手』。」

之後六爺與蔡約翰合作無間，當年蔡約翰於冠軍人馬獎上，亦特意感激羅富全，後者現時仍然稱呼他為波士，可見二人感情之深厚。

-----------------------------
7月4日起 《蘋果動新聞》只限升級壹會員閱覽
繼續撐蘋果！