已經退役嘅美國「不敗拳王」美韋達不嬲都鍾意炫富，喺佢嘅社交網站不時都會見到佢派銀紙嘅相。近日美國八卦網站《TMZ》更影到美韋達用手推車裝住500萬美元（約3,900萬港元）現金，搬落佢架SUV嘅車尾箱！

據悉美韋達咁做，係因為佢即將會喺拉斯維加斯開脫衣舞店，而佢啲銀紙都係為開幕而準備。40歲嘅美韋達平時開P都會狂派錢畀啲囡囡，唔知佢做咗老闆後，唔知會唔會揈住銀紙出糧畀班員工呢？