無綫台慶頒獎禮已有收視結果，平均收視36點（約230萬人次收看)、最高收視係頒最佳劇集一刻，有41點(約262萬人次收看)。節目共接獲63宗投訴，包括24宗不滿視帝賽果，10宗不滿視后賽果，9宗不滿劇集賽果等，有3宗投訴時間控制唔好。

噚晚《天與地》攞獎，網民即狂洗版，更有不少聲音要求無綫重播《天與地》。無綫今日宣佈，順從民意，明年由一月一日起於深夜12點05分重播《天與地》。而巧合地，今年嘅一月一日，係《天與地》大結局。巧合得好似一個循環。

更巧合嘅係，明年元旦日，係「倒梁」行動遊行日。又有遊行，又有《天與地》睇。好忙。