當年今日
關於我們

【幫手改個名啦】「鄧紫棋」永久消失? 林奕匡:佢唔係咁開心

蘋果日報 2019/03/14 17:03

鄧紫棋吳林峰改名林奕匡

林奕匡今日到商台宣傳新歌《買不到的快樂》,早前他的真名「林漢輝」曝光,他說:「冇乜所謂,不過我冇刻意去提之嘛,我知Jason(陳柏宇)成日都講自己係陳廣偉。不過,我記得我個『奕匡』,係陳奕迅個『奕』、倪匡個『匡』,係提醒自己唱要唱好啲、寫要寫好啲。」
提到鄧紫棋(G.E.M.)被經理人公司註冊成商標,將來可能要改藝名?林奕匡說:「我有聽過,佢應該唔係咁開心,其實我都有message問候佢,希望畀到啲支持佢。」記者笑指趙慧珊(Aka)噚日亦公開表示要他的支持,林奕匡說:「好大壓力呀,不過我之前都想寫歌畀Super Girls,但當時知期唔啱。我好欣賞Aka,佢各方面都有好多發展空間,我惟有再努力啲,為佢做首歌啦。」
他透露今年會減少做歌,因為會學演技及做舞台劇:「我覺得入行九年,係時候要令自己嘅資料庫有多啲嘢。」至於家庭上,他表示剛剛搬屋:「想多啲空間造音樂,同埋預備定間房畀屋企人,如果第時有多個新成員,都有人照顧。」
另外,吳林峰今日同樣到商台宣傳新歌《你是萊特》,新歌已派台近三星期,他說:「反應比想像中好,原來都幾多人聽,為我打咗支強心針。」原定MV上星期會發佈,但為了有更好效果要補拍鏡頭,吳林峰謂:「而家visual都好重要,所以要做好啲,我都想遲啲自己可以做埋導演拍MV,不過暫時影相會好啲,我鍾意影菲林相。」
他表示今年目標會造五首歌:「因為《你是萊特》係我三年前寫嘅,其間都狂寫,所以有好多存貨。而家自己做全職歌手,兩年前自己有個大目標,就係喺頒獎禮嘅台上見到自己個名,既然踏出咗第一步,我都想爭取下新人獎。」吳林峰自言是力量系及治癒系歌手,希望能為大家寫更多充滿能量的歌。
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
empty
林奕匡為G.E.M.打氣,希望可以給她一點支持。
empty
吳林峰為歌《你是萊特》宣傳,希望今年可以出五首歌。