現年29歲嘅Angelababy（楊穎）今年1月，喺香港為曉明大哥生咗個「慈姑椗」小海綿。由於Baby陀B時身形纖瘦，產後又極速修身，好快就落得床走動，仲要休息3個月已回復狀態，投入拍攝真人騷《奔跑吧》(原名奔跑吧兄弟）。

究竟Baby係咪真係咁得天獨厚？唔少網民都開始懷疑Baby係「假懷孕」，實際上搵代母生B。黃曉明望能以正視聽，日前分享同老婆Baby一齊影嘅大肚相，力證Baby係「真懷孕」。(相關連結﹕ http://bit.ly/2qi869K )

可惜，呢輯靚靚孕婦寫真相似乎未能停止傳言，有人更質疑係「P圖」，而負責呢輯相嘅攝影師陳漫噚日終於出面力證，佢喺微博留言﹕「我放下相機他倆就進醫院生了?真是值得紀念的一次拍攝。」據悉曉明同Baby嘅婚紗相都係由陳漫操刀，佢哋之間早有默契。

另外，今日係「小海綿」出世100日，曉明同Baby就為囝囝搞咗個百日宴派對。曉明今日透過工作室同網友分享咗幾張百日宴嘅相，留言：「100天好快就過去了！」相中就見到場地佈滿汽球，有兩個精緻蛋糕，一個係「海綿寶寶」蛋糕；另一個粉藍色3層大蛋糕，寫住囝囝個名「小海綿」，上面仲有幾個光頭仔造型嘅Baby，唔知係咪照住「小海綿」個樣嚟整嘅呢？！

難得生性暴龍哥創科眾籌夢，遭隱世肥報販秒殺！ https://goo.gl/hnEB7D
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw