韓劇《來自星星的你》呢期咁紅，男女主角金秀賢和全智賢係劇中有多場吻戲，不過最令粉絲回味，就梗係全智賢為咗測試自己嘅魅力，而向金秀賢提出嘅「15秒之吻」。

韓國媒體近日亦選出歷來吻戲經典場面，《星星》自然入選，其他入圍仲有《繼承者們》李敏鎬同朴信惠嘅「儲藏室強吻」、《主君的太陽》蘇志燮與孔孝真嘅「驅鬼激吻」、《秘密花園》玄彬及河智雲嘅「卡布奇諾之吻」等。