武漢肺炎令經濟雪上加霜，但兩電憑《管制協議》仍能賺取8%准許利潤。 香港 中小企食店聯盟召集人、擁有多間分店的616牛肉火鍋專門店東主林瑞華指，兩電應與市民共渡時艱，「如果咁嘅時勢都仲咁反民意去加電費，真係不能接受，喺全世界都咁嚴峻情況下，我諗唔到有咩理據去畀佢哋加價，政府係咪都有責任去同兩電講返呢？所以唔會有一個加幅係可以接受。」

林瑞華指，電費佔火鍋店開支約5至10%，主要是冷氣及電磁爐耗電量最大。他指，政府今年向非住宅用戶提供的電費補助，補貼應繳電費75%，上限為5千元，故電費佔開支成本減至約2至3%。他擔心當電費補貼結束，但 疫情 仍然未過，營運成本勢必會上升，「又唔會話係非常嚴重嘅負擔，但喺蝕錢嘅情況下，每蝕多一蚊都係好嚴重嘅事，喺咁嚴峻環境下都會希望慳得一蚊得一蚊。」

按兩電原本在五年發展計劃預測，明年或會加電價8.9%，林指該幅度是「不近人情」及「離地」。他指，在目前慘淡的環境之下，若兩電於明年加電費，勢必加重商戶及市民負擔。對於有傳媒引述消息指，中電傾向凍結電費加幅，而港燈仍與港府談判中，林認為兩電應三思是否要加電費，「係咪真係要去加呢？定係願意同 香港人 一齊共渡時艱呢？希望兩電可以去深思熟慮」。

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！