當年今日

不滿正東唱片無助內地發展
陳慧琳北京自立門戶

蘋果日報 2002/02/09 00:00


陳慧琳昨日往沙田出席活動時,直認對於正東唱片公司未能全面助她開拓內地市場,有點不滿,所以她已經在北京成立公司,宣傳自己的歌曲。
陳慧琳(Kelly)與曾志偉昨日往新城市廣場,出席福幼基金會記者會。
Kelly早前接受《壹週刊》訪問,她透露劉德華提議她自組製作公司,對她有更大幫助。昨日記者提及此事,Kelly說:「我係有諗過,如果呢件事可以做得成都係幾完美嘅。」但Kelly的經理人鍾珍則表示Kelly在北京已成立公司,Kelly對此解釋說:「嗰間其實係我經理人公司開嘅,只係得一個員工,我入行咁耐其實唱片公司(指正東)都冇正式喺內地幫我做過宣傳,咁我都想喺內地keep住人氣,所以我哋咪自己做囉。」

未傾續約
早前曾有不少報道指Kelly與正東不和,曾有傳她會加盟Sony或EMI,問她是否意味她續約正東的機會不大?Kelly說:「有啲唔滿意啦!因為公司冇同我喺內地宣傳,咁我啲國語歌又唔係唔得,我咪自己搞。咁我都係為自己啫,不過續約嘅嘢我都未知,因為Paco(指黃栢高)都未同我傾,我六月就滿約㗎啦!」

冇份還神
Kelly在正東已差不多七年,問她是否七年之癢?Kelly笑說:「吓!睇吓Paco點啦!不過今次係最遲傾合約嘅一次,可能市道唔好,所以要等過咗年先同我傾,咁公司都要有一筆錢先可以同我傾合約㗎,冇錢點傾呀!」
此外,昨日一班正東歌手包括許志安、方力申、蘇永康、吳國敬和戴辛尉,為慶祝在各大頒獎典禮取得好成績,專程前往沙田車公廟還神,但卻獨欠Kelly,足證Kelly和正東確有問題。
採訪:胡比 攝影:何國豪