晚上八時多，曾志偉現身洲際酒店出席老友錢國偉婚宴，嚟到已經面紅紅，問佢預計可以頂到邊度菜？佢誇口話：「我今日會行落嚟，我可以去到食甜品。」

Wilson話最驚被志偉灌醉，志偉就話﹕「唔使驚，新郎好少醉，雖然平時好想佢『屎』，但佢今晚唔會醉嘅。」聽講預備咗多張輪椅，志偉就話自己手足多，留番畀其他人喎。

問佢會唔會上台一齊跳舞？志偉笑話﹕「我都未夠老。」講到送乜畀一對新人，志偉繼續唔收口：「送現金囉，佢咁窮。」仲抵死反問記者﹕「其實上面（婚宴）幾多人嚟咗？我認識嘅人都去晒盛品儒度。」