來自美國的Uber今日搞咗一個免費的士日，小記喺今日凌晨放工時，率先試搭。因為喺凌晨，所以「call的」無難度。司機大佬稱由零晨開始計，2個鐘內已有5至6宗生意，而平日一日透過Uber找來的客也只不過是3至4宗。

依家好多司機大佬成個車頭都係電話，開晒app嚟搵客，但呢位司機大佬就對Uber情有獨鍾：「我年紀大，一個app已夠，淨係用Uber。」佢話揀Uber係因為佢啲客斯文好多，唔會放飛機。