【未夠一歲】陳少霞呷醋囡囡先嗌爸爸 冇諗復出:有人搵先算啦
陳少霞倪詩蓓
陳少霞昨晚到新城電台接受倪詩蓓的直播訪問,分享以前拍攝趣事、家庭以及生活點滴,原來今次是陳少霞首次跟倪詩蓓見面,她笑說:「好羨慕佢曾經同我偶像哥哥(張國榮)拍拖,佢真係好有氣質,佢係有一種好文靜嘅氣質,會令人想望多幾眼。」
陳少霞與富商李文輝婚後育有一女,囡囡現為11個月大,她大讚囡囡好乖又易湊,不過因為囡囡正在出牙,自己最近被當牙膠咬,她說:「佢邊度都咬,咬到受傷好痛,有時會忟到打自己個頭,而家買肥仔水畀佢食,就好啲。」她又爆囡囡喜歡說話,已懂得叫爸爸媽媽,不過當她5個月大的時候,第一個是先叫爸爸,令她醋意大發。提到父親節將近,加上適逢囡囡生日兼她們的結婚4周年,陳少霞透露會重回首次拍戲地點大澳,住酒店玩足三日兩夜。至於有想過復出拍戲嗎?她則說:「真係冇人搵我拍嘢,有人搵先算啦。而家一星期只係去得半日街,真係唔係好放心個女。」
而陳少霞亦談到最深刻的拍攝趣事,她笑言是第一套電影、1992年的《哥哥的情人》:「係同梁朝偉拍,就快入行30年,好驚!真係大件事!嗰陣時15歲,喺大澳拍攝,當時我太白曬唔黑,要搽黑個人,點知化完妝,當時有隻同我玩開嘅狗都唔認得我吠我,覺得好好笑。」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 陳少霞與富商李文輝婚後育有一女,她大讚11個月大的囡囡好乖又易湊。
囡囡生日兼結婚4周年,陳少霞會重回首次拍戲地點大澳,住酒店玩足三日兩夜。
至於有想過復出拍戲嗎?她則說:「真係冇人搵我拍嘢,有人搵先算啦。」