岑潔儀（Zoe）與老公Dixon今日到觀塘宣傳月底舉行的慈善拳賽，Dixon將會落場參與：「初初Zoe都好心痛，因為我成日整傷，兩隻眼都爆晒，後來佢都有鼓勵我。」Zoe表示老公每天練拳5小時，很有決心和毅力，令她很感動：「我諗我呢世都唔可能好似佢咁，無條件去到咁盡，唔支持佢都唔係人哋老婆啦，我好proud of我老公。」

向來低調的Dixon參與慈善拳賽，除了籌款更是為教育家中兩個囝囝：「Zoe都話做慈善，捐錢咪得囉，唔使搞到自己傷晒，又或者去啲山區探訪。不過我覺得自己除咗咁，仲可以做啲咩呢？上台打拳冇得呃，我用5個月減咗接近廿公斤，1星期操6日，咁辛苦，都係想畀人知有呢個活動。」他透露獲好友們捐款6位數字支持。

至於兩個囝囝，Dixon透露大仔曾陪他去拳館：「見佢好有興趣，我買咗對BB碼拳套畀佢玩，等佢哋大啲一齊去打下拳。我覺得好好，可以訓練意志，而且識打交嘅人唔會去撩是鬥非。」

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX