【新增影片】
牙買加飛人保特會喺今年嘅《PES2018》足球電視遊戲入面，以球員嘅身份出現就好多人都知。咁到底呢位飛人喺遊戲入面嘅數據會係點呢？

保特喺遊戲入面嘅設定係左翼，好跑得就唔再講，速度同埋爆炸力都係勁屈機嘅99，佢一攞波上腳，怕且都無人可以追得上。保特嘅速度屈晒機梗係唔意外，但係佢嘅整體數值居然達到75，就可能嚇親好多人，事關啱啱由摩納哥以借用形式加盟巴黎聖日耳門嘅基利安麥巴比，都只係得78咋。不過留意返，呢個只係beta版嘅數據，到遊戲正式推出嘅時候，係有可能修改嘅。