韓國KBS同MBC嘅工會日前發動總罷工，當中MBC電視台被爆有內部黑名單，各員工因政治立場而被劃分等級，待遇亦會有所不同，令一眾員工大感憤怒而決定大罷工。而KBS電視台工會就不滿KBS高層剝削新聞自由、無視員工意見，故響應MBC工會進行總罷工，罷工會持續至電視台高層集體辭職。

兩台罷工令到多個節目及劇集受到影響，繼MBC王牌綜藝節目《無限挑戰》、《蒙面歌王》等停播後，KBS嘅綜藝節目亦大受影響，當中《超人回來了》、《兩天一夜》亦將於本周停播。

另外，SBS方面雖然就唔受今次罷工影響，但今日播放嘅《人氣歌謠》亦因為轉播體育賽事而停播，至於歌榜方面就會於之後公開，錄影好嘅內容下周日播出。