張致恒蒲頭「我老婆有咩事啊」 雯雯IG留言要放棄都唔會帶埋兩個仔
蘋果日報 2021/03/17 00:26
張致恒欠債
張致恒（Steven）上月被爆欠債逾40萬，債主包括馮鎵瀠（Naomi）、林盛斌等。事件曝光後，Steven曾在網上發文道歉，但跟着卻帶老婆雯雯和兩個兒子搬屋避債，雯雯更接連在社交網放負：「唔再生存，係咪先可以畀我哋平靜過？」又與Naomi隔空罵戰；今日，雯雯再在社交網留言：「就算絕路，我都會撐住兩個仔，要放棄，都唔會帶兩個仔。」
雯雯在限時動態用黑底白字留言：「就算絕路，我都會撐住兩個仔，要放棄，都唔會帶兩個仔。我相信我靠自己，一定可以撐住兩個仔！給自己少少鼓勵。」雖然雯雯指為自己打氣，但從留言「要放棄，都唔會帶兩個仔」這句看來，似乎曾經胡思亂想，令人有點擔心。
《蘋果》聯絡Steven了解雯雯是否冇事？欠債「失蹤」近2個月的他終於蒲頭，以短訊回覆：「我老婆有咩事啊？」記者將雯雯的IG限時動態截圖給他看，Steven已再沒回覆。
欠債失蹤的張致恒終於蒲頭回覆《蘋果》。（IG圖片）
雯雯在IG的留言令人擔心。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！