當年今日
關於我們

煲呔假認錯 政黨拒收貨

蘋果日報 2008/06/29 00:00


【本報訊】特區政府處理政治新貴風波失誤頻頻,行政長官曾蔭權昨再次「認衰」,承認公佈副局長及政治助理安排上有不足之處。不過,他卻繼續賣花讚花香表示:「希望市民唔好因為公佈安排嘅不妥善,而將一套好嘅制度視為壞嘅制度。」有立法會議員批評曾蔭權死不認錯,漠視問責制度透明度不足等核心問題,下月16日特首出席立法會答問大會時會繼續質詢。

意圖轉移視線

曾蔭權繼日前到立法會就擴大問責制引致的連串風波解畫後,昨日再於港台節目《香港家書》中承認,事前低估了社會的反應,表示已就事件作反省檢討。他又意圖轉移視線,強調市民今日最擔心是,通脹令基層生活困難。他理解市民怨憤,已着手籌備10月的施政報告,促請議員與政府攜手為市民做民生實事。「現時係放棄政治爭議嘅時候……現時政府比過往有比較充裕嘅資源,可以集中力量去改善民生。」他表示,做特首自問未必可以事事圓滿,盡如人意,但時刻都記住要做到無愧於心,對得住香港人。
民主黨立法會議員李永達批評曾蔭權不掌握民情,「根本係制度出現問題,政府揀人嘅原則係乜嘢,薪金點樣釐定,到𠵱家市民都唔知,完全缺乏透明度。政府畀人嘅感覺就係用人唯親,親疏有別。」他建議下屆立法會應成立小組委員會,跟進事件。
職工盟秘書長李卓人直斥曾只懂舊調重彈,「你叫人關心通脹,但係又冇具體措施點幫打工仔女,即係得個講字。」他呼籲市民7月1日上街遊行,表達不滿。