周秀娜同台灣男星辰亦儒最近合演網劇《美女公寓》，二人有咀戲兼埋身肉搏，不過場面不甚浪漫。劇情講到辰亦儒幫倒忙扯爛娜姐件衫，而咀嘴戲其實係娜姐喺車廂內為重傷嘅辰亦儒人工呼吸，另一場戲則係娜姐唔小心仆倒落辰亦儒懷抱咀到應。

娜姐坦言覺得有點尷尬：「我要跌低瞓喺佢個身度咀佢，我覺得自己好猴擒，尷尬係咀戲要唔同角度360度錫勻，嗰一刻我真係懷疑佢會唔會賄賂導演，不過佢都幾好咀。」

提到被辰亦儒扯爛衫，娜姐笑住話：「硬係最凍嗰日就扯爛衫，其實辰亦儒咁好身形，應該喺outdoor騷吓肌肉。」而娜姐嘅另一身份是拳擊手，有場單挑大隻佬戲，她表示拍完赤腳打擂台戲，慘變黑腳板。