最近發哥周潤發就忙住喺北京參與連串《無雙》嘅宣傳活動，不過幾忙都要抖抖，日前佢就同老闆于冬夫婦一家，仲有導演陳凱歌及太太陳紅，一起晚飯迎月過中秋，一行人喺一間有四百多年歷史嘅四合院內共晉晚餐，席上還有莊文強、監製黃斌等等。

發哥對上一次跟陳凱歌見面，係喺北京拍攝《建黨偉業》嘅時候，發哥話：「當時導演正在中影做《趙氏孤兒》後期，他來影廠探班，大家都傾咗好一陣。」發哥仲話今次係于冬邀約食飯，知道陳凱歌夫婦都喺北京，所以一起聚舊。

聽日出席完電影首影禮後，發哥將隨即轉到杭州等地，繼續宣傳，直到月尾先返香港。對今年要同發嫂喺大陸工作中渡過中秋佳節，發哥話：「有工開就開心！今年更有咁多《無雙》嘅影迷陪我過節，特別有意思，仲䦕心啦！」

精選娛聞，喺晒《娛果》
http://fb.com/appledailyent