政府啱啱公佈，查毅超續任科技園公司主席，為期兩年，科技園加入咗三位新成員入去董事局，包括陳爽、馬桂宜同黃永光。

睇返三人背景，黃永光係信和集團副主席，之前做過林鄭月娥特首競選辦副主任，近年做地產嘅信和好積極推動創新科技發展，仲成立「信和創意研發室」，但成立兩年，成績未見突出。

至於陳爽，佢本身係創科香港基金會同團結香港基金成員之一，曾經係光大控股（165）執董，喺銀行界有多年經驗，但同創科關係唔大。馬桂宜本身係港大生物科學學院副教授，主要研究抗癌法，相信對生物科技發展有幫助。

三位新成員中，兩位都無乜創科背景，唔知會為香港創科界帶嚟咩新景象？

李華華