尼馬抵達醫院準備開刀 Book定渡假村嘆住養傷?
尼馬手術巴西受傷巴黎聖日耳門
巴黎聖日耳門球星尼馬因為蹠骨斷裂,日前已經返到巴西準備接受手術。當地傳媒周五就追蹤到尼馬已經進入位於巴西美景市嘅聖母醫院,相信佢一兩日內就會接受手術。
巴西國家隊隊醫列斯馬日前接受當地傳媒訪問時就透露,尼馬對自己嘅受傷感到傷心,但佢明白接受手術係唯一令佢可以趕及世界盃揭幕前復出嘅方法。佢估計尼馬接受手術後,大約要休養兩個半至三個月,換言之PSG今季好大機會缺少尼馬助陣。
傳媒估計尼馬手術後將會有一段時間留喺巴西養傷,據英國《每日郵報》指尼馬將會入住一間位於里約熱內盧嘅高級渡假村,入面有齊泳池、網球場、健身室同高級餐廳,相信呢位巴西國腳可以舒舒服服咁養傷喇。
--------------------
踢出我天地!【HUNGRY HEART X BFB CHAMPIONS 2.0】合作活動登場!登入即得主角★7葉恭介! http://bit.ly/2xrTKGM