王菀之(Ivana)為咗佢下月中舉行嘅演唱會，呢排日日閉關練舞，亦不時將排舞嘅晒胸相貼上微博。

早排見佢出席品牌活動嗰陣，都已經見佢練舞練到手腳有唔少瘀傷，真係陰功豬，所以今次貼嘅新圖，除咗有豐滿上圍同纖腰之外，仲有頗為肥美嘅大髀。

今日Ivana將佢啲排舞相放上微博，佢著住白色tee配黑色熱褲晒腿，仲著埋對幾吋高嘅高踭鞋，非常認真。膝頭哥位置仲貼咗兩大塊鎮痛貼，佢就話呢排同呢樣嘢做咗好朋友。

除咗積極練舞，為咗演唱會，Ivana都已經開始戒口，希望以最fit狀態示人。但見佢微博不時都有貼美食相上去，今日佢都有留言話：「朱古力和炸雞髀是敵人。」似乎都係忍唔到口咁喎。