隔牆有耳:
失聲卿姐照寸劉華 - 李八方

蘋果日報 2015/06/25 00:00


白鴿黨主席卿姐噚日因病「勁走音」,食衞局局長高永文見狀即時上前慰問,指「我有啲陳年柑桔,川貝都ok」,卿姐就多謝民望高好意,指早前已睇中醫,開咗5劑藥,佢話前晚成晚瞓唔着,相信自己係冷親,因為前日外出時着咗短袖褸,出去受訪時同返立法會開會時凍足6、7粒鐘。
卿姐話除咗喉嚨不適,成個人亦很攰,而身體不適仲開會,因為想繼續提出動議辯論,所以提醒自己一定要記住喺議辦飲藥。唔知係咪劑藥好足料,卿姐其後開會時,喺失聲狀態仍不忘明寸政制及內地事務局副局長劉江華:「局長好開心呀,見到劉慧卿冇咗聲」,劉華呢次似乎係躺着中槍。