蔡琴喺紅磡舉行<好預兆>演唱會記者會，宣佈明年2月8及9日喺紅館開個唱，蔡琴話喺紅館開騷好緊張，覺得香港人最懂創造明星，明星表演又專業。佢話：「像劉嘉玲穿的衣服一件不會穿兩次。」蔡琴又希望個唱能有劉德華、梁朝偉及劉嘉玲前來欣賞，因佢哋早前喺金馬獎睇自己表演時好有反應，佢話：「華仔和偉仔坐在一起，觀眾又可看到《無間道》畫面。」

講到甄珍及劉家昌爆離婚，蔡琴話：「甄珍外表平凡，但其實是大人物，走過最黃金的電影時代。如果事情是真，希望甄珍身體健康、劉家昌老師變成一個人沒太太，希望他常常想念甄珍。」