【17：09更新】新增動新聞

上午11時18分，一名軍裝警員，在尖沙嘴金馬倫里驅趕違例泊車。一名28歲姓潘男子，駕駛私家車匆匆開車，但因為未扣安全帶被截停。惟司機疑手忙腳亂下再度開車，結果撞到警員的右腳小腿。警員通知控制室召救護車送院治理。

在附近工作的讀者黃先生指，「聽到出面有人抄牌，一名警員(向司機)呼喝，果個司機揸車調頭時撞到個差人。」黃先生稱，警員沒有跌倒，但小腿流血，立即召增援，10多名同僚趕到了解。黃聽到涉事司機向警方說：「咁你叫我調頭駛埋嚟，我咪駛埋嚟囉，點知你又唔避啫。」黃先生指警員就在私家車面前：「唔知佢係唔識揸車吖、度唔到個位吖，定係點，響佢面前都撞到，」

讀者Leo當時將其車輛，停泊在肇事私家車前上落貨，「我見佢入緊嚟，有人話畀佢知有差人趕車，叫佢唔好入住，佢於是泊埋一邊。」Leo續稱，其後警方來到，着他們駛開，「臨尾聽到，私家車司機好似話『你唔駛咁串呀？你依家咩態度？」對方即駛前及調頭，詎料卻意外撞及警員。

你敢爆，我敢獎！ 即Call《蘋果》24小時爆相爆片熱線 ：63836568