澳門立法會選舉投票日於9月17號舉行，今年賭王「四太」梁安琪攜同兒子何猷亨參選，今晚一眾「澳門發展新連盟」候選人出席造勢大會，惟天公不作美，大會一開始，天便下起傾盤大雨，臨近大會結束，梁安琪及兒子何猷亨才出現，上台與一眾候選人高唱參選主題曲，梁安琪指成員來自不同界別，是希望將不同聲音帶入議會，平衡各界利益。

澳門上星期受到兩個颱風襲擊，對澳門造成嚴重影摧毀，何太接受訪問指風災確實對澳門帶來創傷，但各界人士齊心救災，令澳門得以盡快恢復，她亦相信澳門人能盡快恢復心情，盡公民盡任支持一個「盡市民責任」的選舉，「當日我都有講過係唔係將呢嗰（選舉）會壓後少少呢，大家嘅心情會好啲呢，咁選管會亦都冇押後，咁唔緊要啦，咁大家就努力去做啦」。

風災後不少人指責澳門議員未盡力救災，何太指該指責是錯誤的，「我相信議會每一位議員都有好，其實大家睇到，只不過議員唔係一定要去影相，唔係一定要去post一啲什麼東西(上網）。」何太指颱風襲澳期間已有立即進行救災，只是沒有拍照公諸於世。何太強調選舉期間不想提及救災工作，「我覺得係選舉期間我哋唔提呢啲野，我哋將呢個風災嘅嘢抹左佢啦，我哋眼向前望。」

問及期望能取得幾席，何太回應指會盡力做好，「當然越多越好啦，相信大家睇到我哋呢個組別，我哋將各界嘅聲音都帶到議會，監督政府嘅施政。」何太指「澳門發展新連盟」成員來自不同界別，是為了平衡各界的利益，「我哋唔係偏激嘅，我哋最緊要起到中間點樣和諧，咁相信呢個係大家有目共睹嘅。」

「澳門發展新連盟」成員中有多個年輕人，何太於訪問中提到自己年紀大，希望將年輕一輩帶入議會，「如果有機會市民將我哋帶入議會，打後來我哋會更加培育我哋年青一代。」問及今次連同兒子何猷亨一同參選，是否培養兒子成為接班人，何太回應指，「我個仔好有心去做社會工作，咁唔係一個接唔接班，其實係用心、用力去為社會。」

問及何猷亨對選舉有無信心，何回應指「咁所有野不嬲做人唔做人啦，做任何事都要有信心，如果你冇信心嘅話你已經輸咗，咁當然係有信心。」何猷亨表示假若當選，會較關注年輕人的議題，包括青年宿舍、年輕人置業等問題。

「澳門發展新連盟」第2號候選人關偉霖認為經歷風災後，相信更多選民會投票，因選民會對不同候選人於風災中的賑災工作進行判斷，從而作出決定，「邊個幫到佢嘅，佢就會一定會係加重一啲同情分，我估呢個一定會刺激個投票意欲。」關偉霖稱選民會將票投給「全心為市民」的候選人。問及對選舉有無信心，關偉霖指過往的社會工作若得到選民認同，選民自然會支持，「如果個市民認同你，你唔係同佢同一個鼻孔呼吸嘅，我諗你點樣用呢兩個星期嘅宣傳，都唔會改變到佢哋嘅投票意欲。」

有言論指關偉霖與江湖人士熟絡，關偉霖指：「從來冇啲咁嘅時，如果係澳門認識我嘅人，我打開個肚皮仲白過個白豬仔，全部嗰啲都係網上嘅欲加之罪，呢啲我好難去回應，咁自己清者自清。」