馬生坦言,聽到太太要捐肝,初時反對,着她考慮尚有家人要照顧,且手術後有機會引起併發症,嚴重者要長期覆診,甚至失去工作能力,「老婆想法好簡單,就係救到一條命乜都值得」。
當馬生見過蓁蓁後,態度開始軟化,「佢(蓁蓁)嚟到呢個世界都唔夠1年,如果換唔到肝,佢可能剩番唔夠1年命,我都唔忍心」。最後他尊重太太決定,「萬一佢有乜事,我都會一直照顧佢!」
馬生表示,是次肝臟移植手術,醫生會在太太左側肝切下三分之一的肝臟,以及部份膽管移植給蓁蓁,左側肝不會重新生長,但對日後生活影響不大。馬續稱,太太會留醫深切治療部觀察,若無大礙7至10天便可出院回家休養。