「蘋果日報慈善基金」今日喺清水灣鄉村俱樂部舉行慈善高爾夫球賽，任達華、鄧梓峰、林敏驄、林韋辰、宋豪輝及梁珮瑚夫婦等於早上11點半已經到場，1989年港姐季軍梁佩瑚前年嫁俾蒙古地產商人郭雲飛，今日一同現身，梁佩瑚先同華哥打招呼，跟住幫蒙古老公郭雲飛開聲，叫華哥影張相，兩公婆都讚華哥有型，華哥同郭雲飛惺惺相惜，華仔一向友善，即互笠高帽，搞到郭雲飛笑到四萬咁口。

之後眾星先用餐醫飽個肚，等12點45分左右進行開球禮，楊如芯(Sean)同壹傳媒集團非執行董事葉一堅先生為波友，賽前先交流心得，分組方面鄧梓峰、林敏驄、黃迪基及宋豪輝一組；而梁珮瑚兩公婆、林韋辰則分別同自己朋友一組。

此外，林敏驄着住印自己名嘅紅衫，風騷到場，林韋辰大讚：「嘩，阿驄好fit，件衫係咪改細咗。」阿驄聽到笑笑口。

精選娛聞，喺晒《娛果》
http://fb.com/appledailyent