張柏芝早前為慈善飛車弄傷胸椎骨，經過一輪治療，日前已返回居所休養。昨日其父鬍鬚勇透露柏芝希望在這個周末，與已離異的父母及兄弟姊妹在家吃飯敍天倫。

張柏芝本月初為無綫的籌款節目《慈善星輝仁濟夜》錄影「炮彈戰車衝天飛」環節，駕駛私家車成功飛越五輛車，但表演卻導致她胸椎骨第十二節碎裂，需要留院治療。
大前日，柏芝已秘密出院，返回又一村寓所休養，她現時可靠助行架輔助步行。

康復進展良好
張柏芝父親鬍鬚勇昨日下午二時許到又一村探望女兒，記者上前追問柏芝出院後的情況，他說：「柏芝情況進展幾好，返咗屋企住之後，佢會冇咁悶，不過行動始終唔方便，要落地就一定要用鐵架支撐至得。」
昨日就記者所見，張柏芝寓所的所有窗戶都拉下了窗簾。但居所保安並未有特別加強，僅看見大廈更亭有一位保安員駐守。柏芝前年斥資七百萬購入又一村一個千餘呎單位，跟母親和弟弟張豪龍同住。而其父鬍鬚勇早年與柏芝母親離婚後，雖然已另建新家庭，但因為柏芝的關係，他與前妻仍然保持朋友關係，最近因柏芝受傷要返家休養，更加促成這對離婚夫妻有更多見面機會。

「一家人熱鬧啲」
鬍鬚勇又指柏芝近來行動不便，所以特別希望有家人陪伴，昨日他說：「柏芝想星期五、六兩日喺屋企煮飯食，一家人熱鬧啲。我見到柏芝咁快郁得番，已經好滿意，可能佢今次為做善事受傷，所以得到上天保佑啦！」
至於柏芝是否三月可以復出拍中國星新片《絕世好B》，鬍鬚勇則說：「係咩？我都唔清楚佢啲工作喎！」記者昨日致電該片監製錢小蕙，她表示確實有柏芝的戲分，她說：「如果柏芝三月可以開工，原則上劇本係預咗角色畀佢，不過一切要睇吓佢嘅健康狀況，而其他演員除原班人馬外，重加入埋關之琳。」
採訪、攝影：娛樂突發組